गाईचा म्ये
नाराँचा
नाराँचाय् मिसाचाः
कपाँय् स्वेन्हं यंक जुल ।
माक स्वय्नं बाँमलाक्क
मेक–अप याना जुल ।।१।।

थबजयय।अयm अले फेसबुकं
नगरकोटे ‘डेट’ फिक्स यात
इन्टरनेटं जुगु मतिना
भुतिमा थें चेत वाःन ।।२।।

ल्हातेय् धःसा आइफोन घाई ।
सुथाय् बहनी द्याँ लाक जुल
नयेगु त्वनेगु ल्याःचा मदयेक
भमचा हःल ।।३।।

ततः जागु ग्वाली तया
लकाँम्वः न्ह्याई ।
अय्नं भम्चाता सकसिनं
भुन्द्रुचा हे धाई ।।४।।

थःथ जक न्येःत्वनेता
न्हयाबलें न्ह्याबलेँ खेँ काली ।
खेँ–अइला दोँ दोँ नसां
न्हयाबलेँ क्वयःकाली ।।५।।

साकः भिंक नये माल
फाकं, न्ह्याकं नये मयल ।
जेरी, स्वारी दाँःक मबिल
कायल जुय वल ।।६।।

जीवन बिम्हा माँबौ त्वत
परदेश वाने मति तल ।
रोगी माँबौ त्वःत
ध्येबाय् मिखा तःल ।।७।।

छेँ बुँ मिय परदेश वाना
दुख सिल कत देशे ।
ख्वबि त्वङ म्वाना च्वना
कला व माँबौ स्वदेशे ।।८।।


परदेशे ज्या यायां
ज्यान वान नाराँचा ।
गः किय स्याता
आतंकया चुपिचां ।।९।।

च्वति हाय्क ज्या साने
थःगु देय्या मुलेहे ।
दुख जुसां सुख जुसां
माय् झि माँबौया मुलेहे ।।१०।।